Inicio Noticias Cadetes Cadetes: As Pontes, 2 - Numancia, 2
 
 

Cadetes: As Pontes, 2 - Numancia, 2

S.D.R. NUmancia de Ares. Cadetes 2009-2010. As Pontes, 2 - Numancia, 2Empate no céspede, goleada na bancada.


Sábado, 3 de outubro do 2009.

Xornada 3, categoría de cadetes
ÁS PONTES, 2 - NUMANCIA, 2.

Alineacións:
ÁS PONTES: Cristián, Alberto, Rubén, Marcos, Sergio Meizoso (Diego, min 56), Alejandro Cabarcos, Juan, Álvaro, Alberto (Alejandro Galego, min 48), Dario, Luís (Sergio, min 69).

NUMANCIA: Carlos, Xaime, Adrián, Brayan, Juan (Roque, min 68), Miguel Piñeiro, Miguel López, Ángel, Edu, David (Ricardo, min 51), Antonio (Cartelle, min 70).

ARBITRO: David Sierra Pereira.

TARXETAS:
Recibiron tarxetas amarelas o adestrador Daniel Iglesias y Edu polo Numancia e Juan Prieto por Ás Pontes. Foi expulsado por dobre amoestación Victor Pellón, adestrador de Ás Pontes.

COMENTARIO:
Valioso empate o colleitado polos aresáns fronte As Pontes, líder provisional da categoría e posiblemente un dos equipos fortes do campionato. Os numantinos non puideron pasar do empate no terreo de xogo, pero onde si gañaron por goleada foi na bancada, pois preto de corenta siareiros desprazáronse ata O Poboado onde non pararon de animar aos rapaces.
O encontro foi intenso e estivo moi disputado dende o asubío inicial. En todo o partido ningún dos dous conxuntos deu tregua ao rival e ambos os dous gardametas tiveron bastante traballo. Malia non haber moitos goles as ocasións creadas por ambolos dous equipos foron numerosas. Só nos cinco últimos minutos de xogo, que foron de infarto, creáronse dúas ocasións claras para cada equipo, pois ningún dos dous se conformaba coa repartición de puntos.
Os aresanos en conxunto estiveron ben e xogaron un bo encontro ante un equipo complicado e con moito potencial físico. Encontro onde o empate final foi un xusto resultado.
O primeiro gol chegaría no minuto 15, corner a favor do Numancia que bota Antonio, o balón tocao Brayan, golpea en Marcos e se cola en propia meta, 0 – 1. Con este resultado chegaríase ao descanso.
Minuto 42 penalti a favor de Ás Pontes, executa a pena máxima Alejandro Cabarcos e establece a igualada, 1 – 1.
Minuto 52, clarísima ocasión para os de Ares, un balón sacado en longo por Carlos a punto está de sorprender o gardameta pontes, que obstaculizado por Edu, consegue enviar a duras penas o esférico a corner.
Minuto 60, corner a favor de Ás Pontes, a defensa aresana non acerta a despexar o balón e do barullo formado na área aprovéitase Luís para poñer os ponteses de novo por diante no marcador.
Minuto 75, libre directo ao bordo da media lúa da área pontesa, Edu toca lixeiramente sobre Ángel que de forte disparo axustado ao pau bate a Cristián e establece o empate co que se chegaría ao final do encontro.

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.