Inicio Entrevistas Xogadores QUIQUE FERNÁNDEZ, XUVENIL DO DEPORTIVO
 
 

QUIQUE FERNÁNDEZ, XUVENIL DO DEPORTIVO

“NO NUMANCIA ERAMOS UN GRUPO DE AMIGOS QUE SE DIVERTÍA XOGANDO UN BO FÚTBOL”

 Quique Fernández Ocampo (Ares, 1995) xogou no Numancia ata cadetes e despois dun ano nos xuvenís do G. Caranza, o Deportivo botoulle as redes. Este domingo, 25 de agosto, volverá a Prados Vellos coa camisola do Depor, enfrontándose a varios ex compañeiros que están no Rácing de Ferrol.
 
 
Ares, 22 de agosto de 2013
- Uns dez anos no Numancia, desde prebenxamíns ata cadetes. Que lembras de toda esa etapa numantina?
- Moita alegría e coñecendo a moitos compañeiros e amigos e pasando moi bos momentos.

- Os mellores momentos coinciden co título de liga infantil?
- Está claro, divertiámonos moito xogando un gran fútbol, foi inesquecible.

- Formabades unha gran promoción: Arnoso, Iván, Edu, Brayan, Pita, … todos eles probaron en equipos de liga galega con distinta fortuna. Atréveste a destacar algún deses compañeiros?
- Todos son grandes xogadores con distintas características, pero persoalmente Edu é o que máis me gusta.Quique, etapa cadete no Numancia de Ares.

- Que era o máis positivo do grupo? 
- Que eramos un grupo de amigos que se divertía xogando un bo fútbol.

- Sendo cadete, debutaches co primeiro equipo do Numancia. Lembras cal foi ese partido?
- Foi fronte ao Maniños no campo do Pote o 6 de febreiro do 2011, xogar cos modestos serviume para aprender moito.

- Xa en xuvenís, no primeiro ano estiveches no Caranza. Foi un cambio moi grande?
- Si, a esixencia era moito maior contra rapaces máis fortes e iso notábase moito.

- E o salto de categoría de liga galega a liga nacional co Depor? Que diferenzas observas? 
- Hai diferenza de nivel e no meu caso particular moito máis tempo dedicado ao fútbol.

- Esta vindeira temporada subirás outra categoría, estreándote na División de Honor. Cales son as túas expectativas?
- É un ano difícil á vez que importante no que intentarei ter o maior número de minutos posibles e aprender o máximo.

- Tiveches algunha convocatoria co Depor B?
- Non, gustaríame ter algunha pero polo momento nada.

- A temporada pasada coincidiches con “Bicho”. Como era xogar ao seu lado?
- Era un luxo, un xogador de tanta calidade é un pracer velo e poder adestrar con el.

- Será máis fácil ter oportunidades con Fernando Vázquez? Notades esa intención de contar coa canteira?
- Está claro, con esta situación teñen que utilizar a canteira e cada vez máis compañeiros teñen oportunidades.

- E neste Depor de División de Honor, quen son os xogadores máis destacados?Quique, debut fronte o Maniños (06/02/11)
- Hai moi bos xogadores, é sobre todo un grupo moi compacto.

- Tamén se incorporaron para esta temporada xogadores novos. Como son?
- Son xogadores de moita calidade que estou seguro aportarán moito ao equipo.

- Que obxectivos vos marcades para este ano?
- Os obxectivos son máximos, esperamos loitar por gañar o título de liga.

- O domingo xogades en Prados Vellos co Rácing de Ferrol, un equipo no que te encontrarás con 4 rapaces de Ares. Atréveste a definilos?
- Edu é un xogador dun físico incrible pero aínda así ten moita calidade, é un dianteiro nato . Carlos é un xogador moi completo que le moi ben o xogo. Borja é un xogador de moita calidade e bo golpeo pero o máis salientable é a súa intelixencia dentro do campo. Por último, Dani ven destacando dende hai uns anos cun atributo físico e unha calidade notables.

- E ti, como te defines como futbolista? Cales son as túas virtudes?
- Defínome como un xogador traballador cun golpeo potente.

- Volvendo ao partido deste domingo, en Prados Vellos contra o Rácing, que esperas del?
- Espero un bonito duelo e por suposto a vitoria para seguir preparando a tempada.

- Quen terá máis apoio entre a afección xuvenil aresá: o Depor de Quique ou o Rácing de Carlos, Edu, Borja e Dani?
- Seguramente ao ser máis xogadores de Ares animen máis ao Rácing.                     

- O Depor está na División de Honor, pensas que se notará a diferenza de categoría?
- É probable que haxa diferenza pero ata despois do partido non podemos dicir nada.

- Para saber un pouco das túas inclinacións futbolísticas, aí van estas preguntiñas: Escolle un equipo: Depor, Ferrol, Celta, Madrid, Barcelona.
- Depor.

- Mellor porteiro da liga española?
- Iker Casillas.

- Mellor defensa?
- Sergio Ramos.
-
- Un centrocampista?Quique, debut fronte o Maniños (06/02/11)
- Iniesta.
-
- Un dianteiro?
- Messi.

- Un adestrador?
- Simeone.

- Outras preguntas indiscretas: 
Cal foi o libro que máis che gustou?
- La piel de la memoria.

- O filme que volverías a ver?
- Proxect X.

- Un deporte que non sexa fútbol?
- Tenis.

- O teu prato favorito?
- Polo con patacas.

- Bicicleta ou Moto?
- Bicicleta.

- A mellor praia?
- Estacas (en Ares).

- Unha cidade?
- New York.

- Un personaxe que te impresionara?
- Valerón.Quique Fernández (partido Depor - Conxo)

- Que país che gustaría coñecer?
- Estados Unidos.

- Supoñendo que segues a web do Numancia, que valoración che merece a información que ofrece?
- É unha paxina que da moito traballo e polo tanto está moi elaborada, aporta moita información, é moi boa.


Poder ver a xogadores que se criaron neste Numancia de Ares, participando en equipos punteiros coma o Deportivo ou o Rácing, constitúe todo un orgullo e satisfacción para toda a familia numantina. E este domingo temos unha cita en Prados Vellos, ás seis da tarde. Unha vez máis saborearemos a calidade, a visión no pase e o disparo a gol deste rapaz. Oxalá teña a sorte que merece, pois a súa dedicación, traballo e esforzo están fóra de dúbida.
 

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.